Беларуская культура як мора: чым глыбей даеш “нырца”, тым больш разумееш, што гэта бяздонная прорва з мірыядамі таямніцаў. Як тое фантомнае мора Герадота. Нібы ёсьць, а нібы й няма. Так і з народам. Нібы ёсьць, а нібы й няма. Нібы ведаем, якая багатая ў нас гісторыя, а зь іншага боку квінтэсэнцыя скарбу працягвае быць загадкай. А яна ў людзях. У звычайных беларусах, якія нягледзячы на цяжкасьці жыцьця, працягвалі рабіць народную справу: бараніць сваю зямлю, сваю свабоду, саміх сябе. 

Таму ў гэтым праекце мы вырашылі сучасным мастацкім шляхам расказаць пра людзей, якія засталіся ў ценю. Аднак сьвяцілі сваім нацыянальным агменем.
Сярод іх:
 1. Станіслаў Булак-Балаховіч
 2. Палута Бадунова
 3. Ян Булгак
 4. Жалобныя жанчыны ў чорным
 5. Уладзімер Тэраўскі
 6. Каміла Марцінкевіч
 7. Гелена Скірмунт
 8. Беларускі народ
Хто яны, чым займаліся й што зрабілі для Беларусі, спадарства можа зразумець дзякуючы нашым постэрам.